Inentings selfs in Antarktika

Covid-19-entstof het by Australië se Casey-navorsingsentrum in Antarktika aangekom. Entstof gaan ook by die Davis- en Mawson-navorsingstasies afgelewer word. Dit sal wetenskaplikes en ander spanlede in staat stel om ingeënt te word voor hulle huiswaarts keer. Australië se grootste stede, Sidney en Melbourne, gaan van môre af ten volle ingeënte burgers wat van die buiteland invlieg, terugverwelkom sonder dat hulle in kwarantyn hoef te gaan. Dit sal die eerste keer in 18 maande wees. Die reisverbod op uitwaartse reise word ook opgehef.