Histerektomie-uitspraak vandag verwag

Uitspraak word vandag verwag in die saak waar Amalia Festus die ministerie van gesondheid dagvaar vir skadevergoeding van 3,8 miljoen Namibiese dollar nadat ‘n histerektomie, na bewering sonder haar toestemming, op haar uitgevoer is in Katutura-hospitaal. In haar stukke sê sy, sy was sewe maande swanger toe sy op 12 Desember 2017 met pyn by die hospitaal opgeneem is. ‘n Keiser is uitgevoer en haar baba is veilig gebore. Sy is op 16 Desember ontslaan maar het weer met erge pyn op 17 Desember teruggekeer en is weer opgeneem, die keer by Sentraal-hospitaal. Na onsuksesvolle behandeling met antibiotika is sy geopereer en toe is die histerektomie gedoen. Die saak was verdedig en regter Eileen Rakow het dit aangehoor.