Groot vraag vir krediet vanaf korporatiewe sektor

Privaatsektor kredietverlening het met 4,6 persent in Augustus gegroei, teenoor 4 persent wat in Julie vanjaar aangeteken is. Volgens Simonis Storm is daar groot vraag na krediet vanuit die SME-sektor en korporatiewe skuld, wat 32 persent van die totale skuld beslaan, het met 8,2 persent in Augustus gegroei teenoor 6,4 persent in Julie. Huishoudings se krediet het met ‘n skamele 2 persent gegroei. Ander korporatiewe lenings het met 19,4 persent op ‘n jaargrondslag gegroei terwyl korttermyn of paaiement-krediet met 14,9 persent gegroei het. Lenings vir huishoudings het met 6,2 persent op ‘n jaargrondslag gegroei en huislenings met 1,7 persent.