Geingob: Katar sal Namibië help met sokkerstadions

President Hage Geingob het moontlike bystand van die Katar-regering verkry om Namibië te help om sport-infrastruktuur te bou. Namibië en Botswana het saam ‘n bod ingedien om die 2027 Afrikabeker van Nasies, Afcon, aan te bied. Geingob het ná sy terugkoms uit Katar waar hy as genooide gas die eindstryd by die Sokkerwêreldbeker bygewoon het, gesê hy het bystand verkry deur bilaterale samesprekings met die gasheerland by te woon. Geingob sê in Katar is soveel stadions waarvan sommige afgebreek gaan word en Namibië gaan Afcon saam met Botswana aanbied. Alhoewel Geingob se bywoning kritiek van sommige Namibiërs ontvang het, het hy benadruk dit behoort ‘n trots vir Namibiërs te wees dat hul President saam met ander Presidente genooi is.