Gauteng versterk proses om stukkende krag-infrastruktuur te vervang

Eskom in Gauteng sê hy gaan voort om mini-substasies en transformators te vervang wat weens diefstal, opsetlike beskadiging en netwerk-oorlading onklaar geraak het. Eskom se streekwoordvoerder, Amanda Qithi, sê oorlading wat veroorsaak word deur onwettige verbindings, die peuter aan meters en wanbetaling is voortdurend ‘n uitdaging te midde van die tekort aan mini-substasies en transformators. Qithi sê Eskom het beheermaatreëls soos oudits, instandhouding, kragvermindering en bewusmakingsveldtogte ingestel om onbeplande onderbrekings te voorkom.