Fury en Joshua boks dalk in Desember

Boks: Die Brit en Wêreldboksraad-kampioen, Tyson Fury, het aan sy landgenoot, Anthony Joshua, gesê om aan ondersteuners te gee wat hulle wil hê en die kontrak vir ‘n swaargewig-wêreldtitelgeveg tussen hulle in Desember te onderteken. Fury het aan Joshua ‘n ultimatum gerig om die kontrak teen Maandag te onderteken, maar het op sosiale media gesê dat hy die spertyd tot gister verleng het. Joshua se promotor, Eddie Hearn, sê almal probeer om die geveg te laat plaasvind.