Europeërs wil ook skietstilstand verlenging hê

Die Europese Kommissie sê die verlenging van die tydelike skietstilstand tussen Israel en Hamas is ŉ venster van hoop wat toelaat dat meer burgerlikes in Gaza toegang kry tot noodsaaklike hulp. Die kommissie het tot dusver ŉ lugbrug georganiseer waar 20 vlugte byna 900 ton humanitêre voorrade oor Egipte na Gaza geneem het. Die kommissie sê hy sal voortgaan om met alle partye saam te werk om ŉ politieke oplossing te vind wat vreedsame naasbestaan tussen Israeli’s en Palestyne verseker. Hy sê dit sal op ŉ tweestaat-oplossing gebaseer wees.