Ecclestone se bedrogsaak kom volgende jaar voor

Die voormalige uitvoerende hoof van Formule Een, Bernie Ecclestone, sal oor ‘n jaar vir bedrog verhoor word. Die 91-jarige Engelsman staan tereg op ‘n aanklag van bedrog deur wanvoorstelling, omdat hy na bewering versuim het om buitelandse bates ter waarde van meer as 8 miljard Namibiese dollar te verklaar. Ecclestone is in Julie aangekla nadat ‘n ondersoek deur Brittanje se Inkomste- en Doeanediens, bevind het hy het versuim om ‘n trust in Singapoer te verklaar. Hy het blykbaar slegs ‘n enkele trust ten gunste van sy dogters aan belastingowerhede verklaar.