Dodetal weens vloede in Brasilië kan tot meer as 100 styg

Die dodetal weens die erge vloede in noordooste van Brasilië kan tot meer as 100 styg. Internasionale media berig die owerhede van die Pernambuco-provinsie het reeds 91 sterftes bevestig en sê talle mense word nog vermis. Dit kom nadat stortreën gelei het tot grondstortings en vloede waarin talle huise in die slag gebly het. Nog minstens 26 mense word nog vermis.