Dis vandag Wêreld-renosterdag

Wêreld-renosterdag word vandag herdenk. In Namibië is tot dusver vanjaar reeds 48 renosters gestroop. Dit kos duisende Namibiese dollar vir private renoster-eienaars om renosters te onthoring en teenstropery-eenhede in stand te hou om Namibië se renosters teen sindikate te beskerm. Renosters is ‘n sluitsteen spesies waarop gesonde ekostelsels staatmaak. Die Rhino Momma-projek nooi Namibiërs uit om deel te neem aan hul bewusmakingsveldtog vir Wêreld-renosterdag deur vandag grys klere vir renosters of kamoefleerdrag vir renosterbewaarders te dra.