Daar’s hope lekker rugby die naweek

Rugbyliefhebbers het vandag baie om na uit te sien. Die Verenigde Rugbykampioenskap het Vrydagaand afgeskop met die Italiaanse span, Benetton wat Glasgow oortuigend met 33-11 verslaan het. Die Bulle en die Leeus speel om 5-oor-4 vanmiddag in die eerste wedstryd plaaslik in die kampioenskap. Zebre Parma speel om 2-uur teen Leinster in Parma. Cardiff en Munster spook sake uit om 5-oor-4. Die Scarlets speel om kwart-oor-6 tuis teen die Ospreys en Ulster pak Connacht om half-9 vanaand in Belfast. Die Dragons speel terselfdertyd teen Edinburgh in die Skotse hoofstad.