Bibi stel hersieningswet oor regstelsel uit

Israel se beleërde eerste minister, Benjamin Netanyahu, het aangekondig hy sal die stemmery oor sy voorstel om die regstelsel te hersien eers uitstel terwyl hy probeer om ‘n ooreenkoms met sy politieke teenstanders te bereik. Dit volg ná betogings omdat hy sy minister van verdediging, wat teen die voorstel gekant is, afgedank het. Die hersiening sal die Parlement gesag gee om besluite van die Hooggeregshof tersyde te stel met ‘n basiese meerderheid en dit moeilik maak om ‘n eerste minister onbevoeg vir sy amp te verklaar.