Bergingfasiliteit by Gobabis vir koppeling van Botswana en Namport

TransNamib en die Botswana-spoorweë werk saam om ‘n sogenaamde droë hawe by die Gobabis-stasie te vestig om die buurland met die hawe te verbind. Volgens TransNamib se woordvoerder Abigail Raubenheiner, het vergaderings in die verband reeds plaasgevind. Volgens Raubenheiner sal kommoditeite wat vir Botswana bestem is, per spoor vanaf Walvisbaai na Gobabis vervoer word, van waar dit per pad na Botswana uitgevoer sal word. Dieselfde geld vir kommoditeite vanuit Botswana wat deur Namport uitgevoer word. Sy voeg by dat TransNamib binnekort treindienste tussen Walvisbaai en Gobabis sal hervat.