Beperkte kaartjies beskikbaar vir Bulls teen Munster

‘n Beperkte aantal kaartjies sal vanaf môre beskikbaar wees vir Saterdag se Verenigde Rugbykampioenskap-kragmeting tussen die Bulls en die Ierse span, Munster, op Loftus Versfeld in Tshwane. Daar was ‘n miernes van bedrywighede toe die Bulls tydens die onlangse Kampioenskapswedstryd uiteindelik weer voor ‘n beperkte aantal toeskouers kon uitdraf. Hulle woordvoerder, Chumani Bambani, sê hulle mag tans slegs tweeduisend toeskouers per wedstryd toelaat.