Belastingverhogings op damprook sal verbruikers tot swartmark dryf

Die Dampprodukte-vereniging van Suid-Afrika, wat beide vervaardigers en kleinhandelaars in die e-sigaret-sektor verteenwoordig, waarsku dat belastingverhogings op hierdie produkte prysstygings vir verbruikers tot gevolg sal hê. Die vereniging se uitvoerende hoof, Asanda Gcoyi, sê die gemiddelde prys van damprook-produkte kan met 138 persent styg, en e-vloeistof-verbruik kan met 36 persent daal. Intussen sê British American Tobacco ‘n aggressiewe aksynsbelasting sal veroorsaak dat verbruikers hulle tot die onwettige mark wend.