Banke eis 38 eiendomme in mosiehof

Die mosiehof in die hoofstad het vanoggend 108 aansoeke om verstekvonnisse aangehoor, waarvan 18 reël 108 aansoeke was. Regters Orben Sibeya en Nate Ndauendapo het die twee sessies hanteer. Kommersiële banke het 64 aansoeke op die rol gehad en eis betaling van 22 uitstaande lenings ter waarde van 7,4 miljoen Namibiese dollar. ‘n Totaal van 38 eiendomme is ook nou betaalbaar met uitstaande skuld wat 43,5 miljoen dollar beloop en vier voertuie moet terugbesorg word. Regter Herman Oosthuizen hanteer 47 onverdedigde egskeidings in Maandag se sessie.