Bank Windhoek: Wees veilig met aanlyn-bankdienste

Bank Windhoek waarsku hul kliënte dat hulle waaksaam moet wees as hulle aanlyn-banksake doen, veral met die feesseisoen wat naderkom. Aanlyn-bankdienste laat kliënte toe om toegang tot hul bankrekeninge te kry om finansiële transaksies deur die internet op hul slimfoon, tablet of rekenaar te doen. Aanlyn-bankdienste is baie vinnig en gerieflik. Maar, met al die publisiteit oor aanlyn identiteitsdiefstal, is dit noodsaaklik om veilig te wees terwyl jy aanlyn banksake doen. Bank Windhoek se hoof van bemarking en korporatiewe kommunikasiedienste, Jacqueline Pack, deel wenke oor hoe om jouself te beskerm.