Bafana Bafana se Lebo Mothiba uit Afcon

Sokker: Bafana Bafana het ʼn terugslag beleef nadat doelskopper Lebo Mothiba uitgeskakel is vir volgende maand se Afcon-toernooi in Ivoorkus. Mothiba se klub, RCS Strasbourg, het bevestig hy is gister geopereer nadat hy die naweek sy knie beseer het. Die doelskopper sal maande lank buite aksie wees terwyl hy herstel. Afrigter Hugo Broos beskryf dit as ʼn groot terugslag en voeg by Mothiba is ʼn sterk, kragtige voorspeler wat ʼn bal kan behou.