Reën is nou eers verby

Dit wil volgens die jongste weermodelle voorkom of  toestand vir reën nie baie gunstig is nie en droë toestande oor die land sal voorkom. Odillo Kgobetsi van die Namibiese Weerkantoor in die hoofstad het die voorspelling…

Odillo Kgobetsi Saterdag


Meer oor prins Philip se begrafnis

Prins Philip van Brittanje gaan nie in staatsie lê nie en gaan nie ‘n staatsbegrafnis kry nie. Dit is bevestig na koningin Elizabeth se man van meer as 73 jaar gisteroggend oorlede is. Die hertog van Edinburgh het slegs twee maande voor sy honderdste verjaardag gesterf. Hy wou glo nie ‘n staatsbegrafnis hê nie en sy liggaam gaan by die Windsor-kasteel gehou word tot hy te ruste gelê word. Die begrafnis gaan in die St George-kapel op die landgoed gehou word. Die publiek is versoek om dit weens  Covid-19-beperkings nie te probeer bywoon nie.


Zuma gevra oor gepaste vonnis

Hoofregter Mogoeng Mogoeng van Suid-Afrika het oudpresident Jacob Zuma beveel om ‘n beëdigde verklaring in te dien waarin hy ‘n gepaste vonnis uiteensit indien hy skuldig bevind sou word aan minagting van die hof. Zuma is ook versoek om ‘n inset te lewer oor die aard van die gevangenisstraf wat hy opgelê moet word. Sodra die verklaring verskaf is, sal die staatskapingskomissie ‘n geleentheid gebied word om daarop te reageer. Die kommissie het Zuma van minagting aangekla ná hy ‘n beslissing van die Konstitusionele Hof verontagsaam het om voor die kommissie te verskyn.


Krag word Maandag na verskeie dorpe, staatsinstellings en ministeries afgeskakel

Sestien Namibiese dorpe, twee staatsinstellings en twee ministeries sal eerskomende Maandag vir vier ure sonder elektrisiteit moet klaarkom indien hulle nie afbetalingsooreenkomste vir agterstallige skuld met die nasionale kragvoorsiener nakom nie. Volgens NamPower se skuld invorderingsplan wat lang agterstallige rekenings teiken, sal krag op ‘n skedule afgeskakel word. Die skedule vind in 9 fases plaas en begin met 4 ure sonder krag, weekliks. Sou betaling nie gedoen word nie sal die kragonderbrekings stelselmatig toeneem tot volle betaling gemaak is. 


Tekort aan voorraad bloed in die land

Bloedskenkings red nie net lewens nie maar hou ook voordele vir die skenker in veral met hartkwale en uitdagings met ystervlakke. Die Namibiese Bloedoortappingsdiens het weer ‘n tekort aan voorraad en sal sessies vir skenkings vanaf vandag af aanbied. Titus Shivute, die diens se Skakelbeampte het met Kosmos 94.1 Nuus gepraat.Titus Shivute Saterdag


Zimbabwe se tabak-oes lyk goed

Zimbabwe is bekend vir sy tabak-uitvoere,  en dit wil volgens berigte uit die buurland voorkom asof  die oes die jaar moontlik met 9 persent sal groei tot 200 000 metrieke ton. Verlede jaar se oes was 184 000 metrieke ton .Die Zimbabwiese Ekonoom Eddie Cross sê die sektor groei…

Eddie Cross Saterdag Nuus


Wêreldleiers betuig medelye en empatie met die dood van prins Philip van Brittanje.

Leiers van regoor die wêreld het hulle medelye en empatie betuig met die dood van prins Philip van Brittanje. Hy is gisster in die ouderdom van 99 jaar oorlede.Die Britse premier, Boris Johnson, het in sy reaksie gesê prins Philip het die liefde van geslagte in die Statebond en die res van die wêreld verdien. Daar sal vandag bekendgemaak word wanneer prins Philip begrawe gaan word en wat  se begrafnis hy sal kry Wyle Prins Philip se wens was dat daar geen groot ophef van sy begrafnis gemaak moet word nie. Hy is die eerste senior koninklike wat sterf sedert prinses Diana in 1997 en die koniginmoeder in 2002. Hilda Schoeman wat in Brittanje woon oor hoe gewone Britte sy dood verwerk. Hilda Schoeman Saterdag


Carl Niehaus weet niks van planne om Suid-Afrika tot stilstand te bring nie

Die ANC se sogenaamde radikale ekonomiese transformasie-groep in Gauteng, onder leiding van Carl Niehaus, ontken dat hulle beplan om die buurland tot stilstand te bring. Berigte lui dat sommige lede van die Umkhonto weSizwe Militêre Veterane ontevrede is oor die tydperk van 30 dae wat die sekretaris-generaal, Ace Magashule, en ander beskuldigdes van korrupsie ontvang het om te bedank. Indien nie, sal hulle afgedank word. Niehaus ontken die bewerings van betogings as vals nuus en sê mense wat die nuus versprei, wil verdeeldheid en faksionalisme in die ANC skep


Mosambiekse weermag in skermutseling met militante groepe

Die situasie in Palma in die noorde van Mosambiek bly gespanne nadat die land se veiligheidsmagte bekendgemaak het dat ‘n beduidende getal Islamitiese-aanvallers in skermutselings met Mosambiekse magte dood is.Groot getalle mense wat uit  hulle huise gevlug het na aanvalle van die militante groepe sukkel nou om huisvesting,gesondheidsorg en kos te kry. Die Wêreldvoedselprogram is besig met hulp in die verband. Shelley Thakral van die program het met die media in Palma oor die situasie op grondvlak gepraat