Aranos, Gochas het duurste petrol

Met die brandstof prys wat met 45 persent gestyg het teenoor pryse wat in Januarie 2021 aangeteken is, het die plaaslike makelaarsfirma, Simonis Storm, ‘n ontleding gedoen van die huidige petrolpryse in verskillende dorpe regoor die land. Die goedkoopste plek om vol te maak is Walvisbaai teen 17 dollar 15 ‘n liter. Dan skiet die prys met 7 sent ‘n liter op om die brandstof Swakopmund toe te vervoer. Vanaf Swakopmund tot op Usakos gaan die prys verder op met 12 sent per liter en dan weer met ‘n verdere 18 sent ‘n liter tot op Okahandja waar ‘n liter petrol 17 dollar 53 sent kos. Die 60 kilometer tussen Okahandja en Windhoek kos ‘n verdere 4 sent ‘n liter. Op Oshakati en Ongwediva betaal jy 17 dollar 74 sent maar by Noordoewer betaal jy 17 dollar 83 sent. Die duurste brandstof is op Aranos en Gochas waar ‘n liter 17 dollar 84 sent kos.