Aktivis sê geslagsgeweld vererger in Namibië

Die vlak van geslagsgeweld in Namibië vererger. ‘n Man van Otjomuise het homself vandag aan die polisie oorgegee nadat hy laasnag sy polisiebeampte-meisie, die ma van vier kinders, in Agste Laan in die hoofstad verwurg het. Menseregte-aktivis, Rosa Namises sê aan Kosmos 94.1 Nuus die hoë lewenskostes, werk- en finansiële verliese en daarmee saam armoede kan bydraende faktore tot sommige van hierdie voorvalle van geweld wees.