Khalife aangekeer op motorfiets in Londen

Die metropolisie in Brittanje het Daniel Khalife in hegtenis geneem. Khalife het Woensdag uit Wandsworth-gevangenis ontsnap. Die 21-jarige terreur-verdagte is deur ‘n afdiens beampte op ‘n motorfiets in Londen gewaar. Berigte lui dat daar verskeie waarnemings van Khalife voor sy arrestasie aangemeld is. Khalife het homself onder ‘n vragmotor, wat aflewerings aan die gevangenis gemaak het, verskuil en so ontsnap.