Brent kan dalk teen US$93 verhandel

Daar blyk om geen verligting vir verbruikers te wees nie. ‘n Groep van 37 internasionale ekonome en analiste het hul voorspelling vir die ru-olieprys opwaarts aangepas met die gemiddelde prys vir die huidige jaar op net bo 82 Amerikaanse dollar ‘n vat, maar hulle voeg by dat die kommoditeit vir die res van die jaar bo 86 dollar ‘n vat sal verhandel. Volgens een ontledingsmaatskappy, StanChart, sal die besnoeiings deur Saoedi-Arabië die prys per vat na tot 93 dollar kan opstoot in die vierde kwartaal van die jaar. StanChart maak melding van die krimpende vraag in Indië as gevolg van ekonomiese druk wat wel pryse kan afbring. Inflasie sal gevolglik hoog bly en eers teen volgende jaar stabiliseer. Brent het handel op net bo 88 dollar ‘n vat die week afgesluit.