Hage is hoofspreker by Afrika Energieweek in Kaapstad

President Hage Geingob sal as hoofspreker die openingstoespraak by die Afrika Energieweek 2023 lewer, wat 16 van 20 Oktober in Kaapstad, Suid-Afrika, sal plaasvind. Die tema is “The African Energy Renaissance: Prioritizing Energy Poverty, People, the Planet, Industrialization and Free Markets,’ Geingob sal fokus op Namibië se visie van ‘n energie-renaissance. Hierdie visie behels die dinamiese groei van die land se olie- en gassektor, tesame met sy belowende vooruitgang in groenwaterstof-ontwikkeling. Namibië wil met hierdie hulpbronne ‘n energie-veilige en veerkragtige toekoms vir Suider-Afrika skep.