Biden betreur rasse-aanval in Florida

Amerika se President Joe Biden het die moord op die drie mense in ‘n rasgemotiveerde aanval in Florida veroordeel en sê wit heerskappy het geen plek in Amerika nie. Die 21-jarige Ryan Christopher Palmeter, ‘n wit man, het 11 skote afgevuur op ‘n vrou wat in haar motor in Jacksonville gesit het. Hy het daarna by ‘n winkel ingestap en nog twee mense geskiet voordat hy homself om die lewe gebring het. Al drie slagoffers was swart. Die Departement van Justisie sê hy ondersoek die saak as ‘n haatmisdaad en rasgemotiveerde, gewelddadige ekstremisme.