Die sensus, sy uitslae en jeugwerkloosheid

Die werkloosheid-situasie is ‘n reuse-bron van kommer vir elke Namibiër en dit sluit die Namibiese Statistieke-agentskap in. Die statistikus-generaal Alex Shimuafeni het Namibiërs verseker dat wanneer die agentskap aansoekers vir vakante poste vir die komende nasionale sensus werf, hulle die werkloses sal oorweeg. Die belangrikste is dat hulle mense sal aanstel om in hul eie gemeenskappe te werk. Shimuafeni sê hierdie oefening sal nie net die jongmense van die plaaslike gemeenskappe in diens neem nie, maar dit sal ‘n gevoel van veiligheid verskaf wanneer gemeenskappe mense sien wat hulle ken en waarmee hulle gemaklik is.