Rugby: Puma-heelagter uitgewys vir vuilspel

Rugby: Argentinië se heelagter, Juan Cruz Mallia, is uitgewys nadat hy in die lug met die Springbok-skrumskakel, Grant Williams, gebots het, wat die nommer nege se eerste toets in die beginspan binne 10 sekondes beëindig het. Williams was katswink en het harsingskudding opgedoen in die Rugbykampioenskaps-wedstryd op Ellispark in Johannesburg, maar die Ierse skeidsregter, Andrew Brace, het Mallia nie gestraf nie, ondanks die Bokke se besware. Sanzaar se uitwyskommissaris is egter van mening dit voldoen aan die rooikaart-drumpel vir vuilspel. Dit beteken Mallia kan dalk Sondag se herontmoeting in Buenos Aires misloop.