VSA sal Aussies help om vuurpylstelsels te vervaardig

Amerika het sy belofte bevestig om Australië te help om teen 2025 geleide, veeltallig-afgevuurde vuurpylstelsels te vervaardig. Die Amerikaanse minister van verdediging, Lloyd Austin, het gepraat op die jaarlikse Australië-Amerika ministeriële dialoog in Queensland. Hy sê die gesamentlike plan sal Australië se verdedigingsvaardighede versterk en ook bydra tot die uitbreiding van Amerika se tegnologiese voorsprong. Daarby is die samewerking gemik op die bevordering van die verdedigings-nywerheidsbasis van beide lande. Amerika is vol vertroue dat missielvervaardiging binne die volgende twee jaar in Australië sal begin.