SA-varkboere moet beter na inenting-regime kyk

Suid-Afrikaanse varkboere is gemaan om voorkeur te gee aan hul diere se gesondheid deur inentingsprogramme op datum te hou. Volgens Afrivet se tegniese veearts, Sakhumuzi Nkosi, speel inenting ‘n deurslaggewende rol om immuniteit te verseker, wat ‘n varkboerdery teen natuurlike besmettings beskerm, terwyl dit ook siektes verminder en beheer. Nkosi sê inentingsprogramme maak ook ‘n noodsaaklike deel uit van voorkomende maatreëls om boere te lei ten opsigte van inentingstye en die beste entstowwe om te gebruik.