Rugby: Springbokke berei voor vir Pumas

Rugby: Die Springbokke sit hulle voorbereidings die week in Pretoria voort vir hulle Kampioenskap-toets Saterdag teen die Pumas, voor hulle na Johannesburg verskuif vir nog veldwerk. Die Bokke is vier punte agter Nieu-Seeland op die punteleer met ‘n wedstrydpunt-agterstand van 28 in die kompetisie. Dit beteken hulle lot sal bepaal word deur die uitslag van die oggend se wedstryd tussen Australië en Nieu-Seeland in Melbourne. Die afrigter Jacques Nienaber sê hulle weet wat hulle moet regstel na hulle nederlaag van 35-20 teen die All Blacks.