Mbumba bring hulde aan Otji-steunpilaar

Adjunk-president Nangolo Mbumba het hulde gebring aan die gerespekteerde sakeman van Otjiwarongo Theo Borstlap. Mense het van heinde en verre gekom om vandag afskeid te neem van dié steunpilaar van die Noorde-gemeenskap wat op 6 Junie oorlede is. Borstlap is in die Otjiwarongo-begraafplaas ter ruste gelê. Talle sake- en politieke hoëlui was onder die roubeklaers. Mbumba het met Kosmos 94.1 Nuus gesels en ook sy medelye aan Borstlap se familie betoon wat baie swaar gekry het.