Diesel is nou op Usakos beskikbaar 

Die bestuurder van die Shell-diensstasie op Usakos, Hennie Roos het ten sterkste ontken dat diesel eers na middernag by die vulstasie beskikbaar sal wees, soos beweer op sosiale media. Hy het aan Kosmos 94.1 Nuus bevestig dat die vulstasie nou teen vyf-uur ‘n vragmotor met diesel verwag. Reisigers na en van die kus sal dus nou weer diesel in die dorp kan kry. Roos het met Kosmos 94.1 Nuus gepraat.