Bekende stem op Kosmos 94.1 Nuus oor energiesake, Ted Blom, sterf

Die bekende Suid-Afrikaanse energiekenner Ted Blom, wat gereeld met Kosmos 94.1 Nuus oor die jare sy insig gedeel het, is oorlede na ‘n jarelange stryd teen kanker. Blom se familie het sy afsterwe vroeër vandag aangekondig. Hy was alombekend vir sy insig in die energiebedryf ook in Suid-Afrika en het ʼn groot bydrae gelewer met ontleding en besprekings oor Eskom en beurtkrag. Blom se bydrae is hoog aangeslaan in die bedryf. Die familie sê Blom se gedenkdiens vind op 13 Mei in Sandton, Johannesburg, plaas.