Kaapse professor internasionaal vereer

Professor Mark New van die Universiteit van Kaapstad is die wenner van die International Champions of the Frontiers Planet-prys vir 2023. New word erkenning gegee vir sy navorsingsartikel, Natuurgebaseerde oplossings in bergopvanggebiede verminder impak van antropogeniese klimaatsverandering op droogtestroomvloei. Die artikel is ook in Communications Earth and Environment, 2022 gepubliseer. Die kompetisie word bestuur deur die Frontier Research Foundation wat in Lausanne, Switserland, gebaseer is. Die kampioenskap erken en beloon wetenskaplikes wie se werk bydra tot die toekoms van die planeet. New se prysgeld beloop meer as 20 miljoen Namibiese dollar.