Vriendin getuig Carroll het haar daardie dag gebel en gesê Trump het haar verkrag

‘n Jarelange vriendin van E. Jean Carroll het getuig die skrywer het haar gebel minute nadat oudpresident Donald Trump haar na bewering in die 1990’s in ‘n Manhattan-afdelingswinkel verkrag het. Lisa Birnbach het in Carroll se siviele saak teen Trump getuig sy was besig om haar kinders kos te gee toe Carroll haar bel. Sy was uitasem, het gehiperventileer en was emosioneel. Birnbach sê volgens Carroll het Trump haar teen ‘n aanpashokkie se muur vasgedruk en haar verkrag. Die voormalige president ontken die bewerings.