Mens-dier konflik by nasionale vergadering bespreek

Die Namibiese omgewingsministerie hou vanaf 10 tot 12 Mei ‘n nasionale konferensie oor mens-dier konflik in die hoofstad. Gevalle duur voort met 1 486 gevalle wat in die 2020-2021 boekjaar aangemeld is. Tussen 2008 en 2018 is 16,4 miljoen Namibiese dollar in kompensasie uitbetaal. ‘n Nuwe nasionale beleid, vir 2018 tot 2027 is reeds gepubliseer en uitdagings sowel as die implementering daarvan sal onder die loep kom. Die ministerie se woordvoerder Romeo Muyunda sê verliese, van beide vee en gewasse, sowel as infrastruktuur, wek kommer.