SA vertoon goed by Oorplantingspele

Die Suid-Afrikaanse Oorplantingsportvereniging sê Span Oorplanting SA het ‘n indrukwekkende aantal medaljes ingepalm op die pas-afgelope Wêreld Oorplantingspele in Perth, Australië. Die span het sewe goue medaljes verower, 19 silwer en 11 brons in verskeie kategorieë, insluitend fietsry, gholf, muurbal en atletiek. Die Spele bied ‘n platform vir oorplantingsatlete van regoor die wêreld om in verskeie sportsoorte mee te ding terwyl hulle die belangrikheid van orgaanskenking en oorplanting bevorder.