Rugby: RG Snyman is op die krukkelys

Rugby: Die Springbok-slot, RG Snyman, sal nie Saterdag in Durban vir Munster uitdraf in die kragmeting met die Haaie in die Verenigde Rugbykampioenskap nie. Hy het ʼn kopbesering opgedoen in verlede naweek se wedstryd teen die Stormers. Snyman was een van die Ierse span se uitblinkers in hulle oorwinning van 26-24 oor die Kapenaars. Hy het onlangs teruggekeer na ʼn rits kniebeserings. Volgens Munster se bestuur volg hulle die beleid ten opsigte van spelers wat terugkeer na kopbeserings en hulle glo die slot sal nie lank buite aksie wees nie.