SA Rugby moet sê oor Tel Aviv Heat

‘n Israelse organisasie wat in Suid-Afrika gesetel is, dreig SA Rugby met regstappe nadat hy ‘n Israelse span se deelname aan die Mzansi-uitdaagtoernooi gekanselleer het. Tel Aviv Heat is eers genooi om vanaf die 24ste van volgende maand saam met ander internasionale spanne teen plaaslike spanne te speel, maar die uitnodiging is daarna teruggetrek. Die Suid-Afrikaanse Vriende van Israel oorweeg ‘n aansoek ingevolge die Wet op die Bevordering van Toegang tot Inligting as Saru nie sy optrede verduidelik nie. Hy het die liggaam tot môreaand gegee om die inligting te voorsien.