Metro presteer uiters goed onder moeilike omstandighedeFebruary 8, 2023

Metro Namibia het meer as 2 miljard Namibiese dollar in inkomste gegenereer vir ses maande tot 30 Oktober 2022. Dit verteenwoordig ‘n groei van 23 persent teenoor die vorige ses maande. Metro Namibia, wat deur die Botswana-kleinhandelreus Sefalana besit word, het ook ‘n toename van 6 persent in wins voor belasting, tot 89,5 miljoen dollar, gedurende die tydperk gerapporteer. Die maatskappy het 34 persent tot Sefalana se algehele inkomste bygedra. Ten spyte van die goeie vertoning neem die maatskappy kennis van die negatiewe impak van die Namibiese ekonomie op sy verkope. Die kleinhandelreus het gesê hoewel hy voortgaan om die huidige 23 afsetpunte uit te brei, sal hy ‘n versigtige benadering volg, gegewe die land se huidige ekonomiese omgewing.