VSA toon toename in werksgeleenthede

Amerika het verlede maand skielik ‘n toename getoon in werksgeleenthede met werkloosheid wat tot die laagste koers in meer as vyf dekades gedaal het. Die wêreld se grootste ekonomie het in Januarie 517 000 werksgeleenthede bygekry ná ‘n verlangsaming van vyf maande in aanstellings. Die werkloosheidsyfer het tot 3,4 persent gedaal. Terwyl werkloosheid gewoonlik toeneem namate rentekoerse styg, is die werkloosheidskoers tans op geskiedkundig-lae vlakke.