Jong Russiese soldaat kry lewenslank tronkstraf

‘n Jong Russiese soldaat is tot lewenslange tronkstraf gevonnis vir die moord op ‘n ongewapende Oekraïnse burger. Die 21-jarige tenkbevelvoerder, Vadim Shishimarin, het skuldig gepleit in die eerste oorlogsmisdaadverhoor in die Oekraïnse hoofstad, Kiëf. Shishimarin en vier kamerade het glo in die eerste week van die konflik ‘n motor in privaat besit gesteel om ‘n aanslag van Oekraïnse soldate te ontsnap. Hy is opdrag gegee om die burger te skiet om te verhoed dat hy waarsku oor die teenwoordigheid van Russe in die dorp.