Swakop-bouplanne redelik wisselvallig

Bouplanne vir Maart op Swakopmund is deur Simonis Storm bekend gemaak. Volgens die makelaarsfirma is 34 planne gedurende die maand goedgekeur vergeleke met 72 in Februarie en 83 vir Maart verlede jaar. Goedkeurings op ‘n jaargrondslag vir Swakopmund is redelik wisselvallig. Volgens Simonis Storm sal konstruksie aan die kus fokus op wonings, veral omdat die mark aan die goedkoper kant is met ‘n gemiddeld van 875 000 Namibiese dollar per eiendom wat in Maart goedgekeur is. Gemiddelde huispryse aan die kus het op ‘n jaargrondslag met 3,9 persent gedaal teenoor ‘n styging van 1,7 persent in die Noorde en 0,5 persent in die sentrale gebied. In die Suide het pryse met 2,1 persent gedaal.