LGBTQ ondersteun Mercedez by hoërhof

Groep ondersteuners sal in solidariteit van ‘n transgender vrou, Mercedez von Cloete vanoggend by die Windhoek hoërhof opdaag. Dit volg nadat sy byna vier jaar gelede ‘n klag van aanranding teen ‘n Namibiese polisiekonstabel aanhangig gemaak het. Na aanhoor van slotbetoë oor die skadevergoedingseis van 200 000 Namibiese dollar wat Von Cloete vroeg in 2018 teen die minister van veiligheid en sekuriteit ingedien het, gaan regter Esi Schimming-Chase haar uitspraak vanoggend om tien-uur lewer. Ndilokelwa Nthengwe, medestigteer van Voices for Choices and Rights Coalition, sê hulle staan bankvas agter Von Cloete.