Kombat-werkers begin arbeidsdispuut, afleggings ‘onwettig’

Afgelegde werkers by die Kombat-kopermyn het deur die Mynwerkers-unie van Namibië ‘n formele arbeidsdispuut teen Trigon Metals, die myn se eienaars, by die Arbeidskommissie geregistreer. Altesaam 533 mynwerkers is afgelê nadat die myn oorstroom en alle bedrywighede tot stilstand gekom het. Hulle is ruim skeidingspakkette, uitgebreide gesondheidsorgvoordele en toegewyde werkplasingsbystand in vennootskap met plaaslike organisasies aangebied, maar sê die afleggings was onwettig. Die vakbond se sekretaris-generaal Fillepus Ampweya het met Kosmos 94.1 Nuus gesels en verduidelik hulle standpunt.