Voet in Nike Airforce-skoen gevind by Swakoprivier

‘n Toergids van Desert Explorer in Swakopmund het ‘n gru-ontdekking by die Swakoprivier gemaak. Hy het Woensdag kamele opgepas tussen die NamWater en NamPower sub-stasies toe hy afgekom het op ‘n ontbinde voet in ‘n wit Nike Airforce skoen. Die polisie het die toneel besoek en vermoed dat die onbekende persoon in ‘n beboste area gesterf en moontlik deur wilde diere gevreet is. Die polisie is besig om die omgewing te fynkam.