Kuba nie meer staatsborg van terrorisme nie

Die Withuis sê president Joe Biden het die Kongres in kennis gestel hy gaan Kuba van Amerika se lys van staatsborge vir terrorisme haal en ekonomiese beperkings verslap. Gekose president Donald Trump het Kuba se terrorisme-aanwyser in 2021 in die laaste dae van sy eerste presidentskap heringestel en Amerikaanse finansiële hulp en wapenuitvoere na dié land verbied. Kuba sê as deel van die ooreenkoms met die Biden-administrasie, sal hy 553 politieke gevangenes vrylaat wat vir verskeie misdade aangehou word. Trump sal die besluit waarskynlik omkeer.