LA verklaar gesondheidsnoodtoestand weens rook

Die openbare Gesondheidsowerheid in Los Angeles County het ‘n plaaslike gesondheidsnoodtoestand verklaar met die rook en as van veldbrande wat swak luggehalte veroorsaak. ‘n Verklaring dui aan die brande en sterk wind het reeds die luggehalte ernstig verswak, en hou onmiddellike en langtermynrisiko’s vir openbare gesondheid in. Die gesondheidsowerheid het mense wat nie hoef te ontruim nie versoek om binnenshuis te bly, hul vensters en deure toe te hou en lugversorgers te gebruik om die lug te suiwer. ‘n Masker word aanbeveel vir mense wat wel na buite moet gaan.