Merlus sê werkers veilig na frats-ammoniak voorval

Die ammoniak-vergifting voorval by die Merlus Cormorant fabriek in Walvisbaai is steeds in die nuus. Verskeie werkers het siek geword en moes hospitaalbehandeling kry na hulle ammoniakgas ingeasem het. Die gas het vanaf ‘n krapvaartuig in die fabriek ingewaai. Werkers sê hulle voel onveilig en is vreesbevange om terug te keer na die terrein, sonder verdere verduideliking oor die situasie of verbeterde veiligheidsmaatreëls. Hulle sê dit is belangrik vir die maatskappy of verantwoordelike partye om hulle bekommernisse aan te spreek. Hulle soek versekering dat toepaslike stappe geneem sal word om ‘n herhaling van so ‘n voorval te voorkom. Stanley Nick Katzao, voorsitter van Merlus, sê die maatskappy sal stappe doen om te verseker dat werkers veilig is.