Amerikaanse swemmer verloor 10 Olimpiese medaljes in LA-brand

Die voormalige Amerikaanse Olimpiese swemmer, Gary Hall Junior, het al sy Olimpiese en wêreldkampioenskapmedaljes in die verwoestende brand by Palisades in Los Angeles verloor. Hall het aan CNN gesê warm vonke het uit die lug gereën binne drie minute nadat hy rookpluime agter sy huis gesien het. Daar was nie tyd om die medaljes te gryp nie. Hall was bekend vir sy spoed en professionaliteit en het Amerika in 1996, 2000 en 2004 by die Olimpiese Spele verteenwoordig. Hy het tien Olimpiese medaljes gewen, waaronder vyf goues. Hy het ook drie goud en drie silwer by die wêreldkampioenskap verower.